Ёш мусикачиларимизнинг Лондондаги концерти
Янги йил тантаналари давом этаётган шу кунларда Лондон шахри марказидаги Кироллик мусика академиясида Ўзбекистон ва Марказий Осиёнинг бошка мамлакатлари ёш мусикачиларининг “Eqyupes de Sogdiana-2” (“Суғдиёна гурухлари – 2”) деб номланган концерт дастури бўлиб ўтди.Мамлакатимизнинг Лондондаги элчихонаси иштирокида ташкил этилган ушбу тадбирда Британиянинг расмий, маданий жамоатчилик ва ишбилармон доиралари вакиллари катнашди. Буюк Британия маданий доираларидаги таникли санъат арбоби Накако Ватанабе хоним концертнинг ижрочи продюсери бўлди.
Ўзбекистондан мазкур дастурда уч нафар пианиночи – ака-ука Нурон ва Науфал Мукумий хамда Нафис Умаркулова иштирок этишди. Концертга ташриф буюрган томошабинлар бир овоздан юртдошларимизнинг истеъдоди ва ижро махорати катнашчилар орасида алохида ажралиб турганини эътироф этишди. Ўзбекистонлик мусикачилар томонидан Иоганн Себастян Бах (Токката), Ференс Лист (“Хоровод гномов” концертидан этюд), Александр Скрябин (Соната-фантазия №2), Клод Дебюсси (“Гренадада окшом” ва “Ёмғир остидаги боғлар”) каби буюк композиторларнинг асарларини маромига етказиб ижро этилди.
Ёш пианиночиларимиз Тошкентдаги Успенский номли Республика ихтисослаштирилган мусикий академик лисейи битирувчилари бўлиб, хозирги кунда Кироллик мусика академияси хамда Британиядаги етакчи халкаро мусика мактабларидан бири бўлган “Pyrsell Scholl of Music”да тахсил олишмокда. Улар Европанинг катор давлатлари, АКШ ва Россиядаги турли мусика анжуманларида муваффакиятли иштирок этишган.
Концертдан сўнг ўз таассуротлари билан ўртоклашар экан, Накако Ватанабе хоним мазкур тадбирнинг ташкил этилишидан кўзланган асосий максад Марказий Осиё давлатларидаги ёш авлод вакилларининг имконият ва истикболларини британиялик мусика ихлосмандларига намойиш этишдан иборат бўлганини таъкидлади. “Мусика чегара билмайди, у халклар ўртасидаги мулокот воситасидир. Шу боис хам мана шу каби тадбирларни ташкил этиш айникса мухим ахамиятга эга, – деди Ватанабе хоним. – Ўзбекистонлик ёш мусикачилар бугун ўзларининг накадар юксак махорат эгалари эканини намойиш этишди. Уларнинг келажаги порлок эканига ишончим комил”.
Лондондаги Шарк ва Африка тадкикотлари мактабининг профессори Ширин Акинер хонимнинг сўзларига кўра, унга Нурон Мукумийнинг ижроси айникса маъкул келди. “Нурон эндигина 12 ёшда бўлишига карамай, Бахнинг мураккаб мусикий асарларини мохирона ижро этгани мени хайратга солди, – дейди Ш. Акинер хоним.
– Ўзбекистон хукумати ёш авлод вакиллари мусика ва санъатнинг кўплаб турларида ўз кобилиятини намоён этишини кўллаб-кувватлаб келаётгани тахсинга сазовор. Ёш авлодга бўлган эътибор – бу мамлакат келажагига йўналтирилган бебахо сармоя бўлиб, айнан мана шу эътибор ўз санъати билан келажакда бутун дунёни хайратга соладиган Нурон Мукимий каби ёркин истеъдодли мусикачилар авлодининг юзага келишига хизмат килади”.
Концерт ижрочиларидан бири – “Pyrsell Scholl of Music” мусика мактаби ўкувчиси Науфал Мукимий Ўзбекистон санъатини Британия ва Европанинг бошка давлатларида намойиш этиш ўзи учун улкан шараф эканини таъкидлади. “Британияда тахсил имкониятини бергани учун Ватаним олдида таъзим киламан. Ўзимга билдирган ишончни оклашга ва мусика сохасининг юксак чўккиларини забт этишга астойдил харакат киламан”, – деди Н. Мукимий.
Manba: www.region.uz
Filed under: Новости
